श्रम मन्त्रीलाई ईजरायलबाट नेपाली चेलीको सन्देश पत्र

👉श्रम मन्त्रीलाई ईजरायलबाट नेपाली चेलीको सन्देश पत्र✍️

श्री,माननीय श्रममन्त्री शरतसिंह भण्डारी ज्यू,तथा वैदेशिक रोजगार विभाग,
यो परदेश युद्ध भूमि ईजरायलबाट नमस्कार 🙏
विशेष:ईजरायलमा रहेको हामी सबै नेपाली कियर गिभर कामदारहरु आराम रही
आरामताको कामना व्यक्त गर्दै हामी सुरक्षित रहेको पनी सबै नेपालीहरुलाई
जानकारी गराउन चाहन्छु !

अघिल्लो हप्ता ईजरायलको जनसंख्या लेख्ने क्रममा अलिकति त्रुटि भएकोले क्षेमा प्रार्थी छु !
ईजरायलको जनासंख्या ९,२२१,४७७(बयानब्बे लाख,एक्काईस हजार,चार सय,सत्तहतर)
जस मध्य यहुदीहरुको जनसंख्या ७,०८०,०००(सत्तरी लाख,असी हजार) रहेको छ |
ईजरायल र प्यालेसटाईको बिचको युद्ध शुरू भएको अक्टुबर-७
बाट अहिले सम्म युद्ध रोकीएको छैन आतंकबादी हमास समूहको मूर्खताले गर्दा अहिले
बिश्व नै ताती रहेको अवस्था छ

बिश्वभर तथा बिभिन्न देशहरु लगायत संक्युक्त राष्ट्रसंघबाट पनी ईजरायललाई युद्ध विराम गर्नको लागि दबाद दिईरहेको अवस्था छ ,
तर अहिले तत्काल युद्ध बिराम नभएर अलिक लामो समय जाने अझै संकेत देखिएको छ |
अक्टुबर-७ तारीखका दिन हमास समूहहरुले अपहरण गरीएका देश-विदेशका मानिसहरु यस प्रकारका छन : ईजरायल,थाईल्यान्ड अमेरिका,नेपाल,फ़्रान्स,अर्जेंटीना,मेक्सीको,ब्राजील,रसिया,पेरू,क्यानाडा,कोलोम्बिया र यूकेका
गरि अझै जम्मा २४१ जना मानिसहरु अपहरण गरि हराई रहेको छ २ जना अमेरिकन र ३ जना ईजरायली अपहरण मुक्त भएको छ |भने हालसमाचार अनुसार ३ जना अमेरिकन नागरिक र ३ जना ईजरायली नागरिकलाई अपहरण मुक्त गर्ने र नेपालीको नाम निशाना नभएको समाचारले जनाए को छ |
हमास समूहले अपहरण गरिए पछि सबै मानिसहरु अपहरण मुक्त नभए सम्म
युद्ध जारी रहने ईजरायली प्रधानमंत्रीले प्रष्ट पारिएको छ अहिले गाजामा रहेका
सबै २३ लाख जनताहरुलाई ख़ाली गरेर ईजरायली आर्मी फोर्सहरुले अपहरण गरीएका
मानिसहरुलाई खोजी कार्य जारी रहेको अवस्था छ |
साथै गाजामा रहेको घरहरु र अस्पतालहरु मुनि भयंकर ब्यबस्थित तरिकाले हमास
समूहहरुले बंकरको संजाल प्रयोग गरिएकोले त्यो बंकरहरुलाई तोडने
काम ईजरायली आर्मीहरुले लगातार लागिरहेको छ |

अक्टूबर-७ भन्दा पहिला सम्म ३०/४० हजार जतीको संख्यामा प्यालेसटाईन,गाजा पट्टीबाट मानिसहरु ईजरायल तिर रोजगार गर्न आउने गर्ने गरेका थियो त्यो अहिलेको अवस्थामा नरहेकोले ईजरायली नागरिकता नभएकाहरुलाई ईजरायलतिर आबत-जाबत गर्ने कार्य बन्द गरिएको छ |
अहिले ईजरायलमा व्यापक कामदारहरुको अभाव भईरहेको छ एक महिना अघि
१५,०० कोटा कृषिको लागि ईजरायलले नेपाली कामदार माग गरिएको छ भन्ने मैले समाचार
पढेकी थिए पहिला सन् २००९ सम्ममा ४००/५०० जति नेपालीहरु कृषिको लागि वर्किंगमा आएका थियो त्यो बेलामा ईजरायलमा यस्तो युद्धको घटनाहरु भई रहने सबैलाई जानकारी सायद थिएन,
अहिले भने हामीले बुझने मौका पाएका छौ |
ईजरायलसंग कृषि क्षेत्रका लागि वर्किंग भिषामा समझेउता नगरी दिन र कोही पनी नेपाली
कामदारहरु लाई ईजरायलमा कृषिमा काम गर्नको लागि नपठाउन हुनको लागि श्रममन्त्री ज्यु
लगायत वैदेशिक रोजगार विभागलाई हार्दिकता साथ विनम्र अनुरोध गर्दछु |

किनभने महत्वपुर्ण कारणहरु यस प्रकारका रहेका छन :
सन् २००५ तिर ईराकमा १० भाई नेपाली युवा तन्नेरीहरुलाई
आईएसआईएस समूहहरुले क़्रूर हत्या भएको थियो अहिले आएर एक महिना अघि मात्र
अक्टूबर-७ मा पनी ईजरायल र गाजाको बोडरमा कृषिको लागि आएका १० बिद्यार्थी
तन्नेरी भाईहरुलाई पनी हमास समूहले नरसंघारतापूर्ण हत्या गरिएको छ |
यदि नेपालीहरु फेरी कृषि क्षेत्रमा रोजगारी गर्न यहाँ आएको खण्डमा फेरी अर्को घटना
नेपालीले बेहोर्नू नपर्ला भन्न सकीन्न ?
ईजरायलमा कृषि योग्य ज़मीनहरु भनेको लेबनान र ईजरायलको बोडरमा पर्छ अझ धेरै
ज़मीनहरु ईजरायल र गाजाको बोडरमा पर्छ यो दुई देशहरुको युद्ध भनेको नेपालमा वर्षाको
समयमा प्रत्यक वर्ष पूर्व-पश्चिम राजमार्गको कृष्ण भिरमा पोइरो जाने समस्या
जस्तै हो समस्याको सामधान कहिल्लै पनी सधैको लागि रोक़ीदैन |
ईजरायल र गाजा बिचको युद्ध १९४८ बाट ७५ बर्ष देखी ईजरायली यहूदीहरु र प्यालेसटाईन मुस्लिम बिचको युद्ध बेला-बेलामा भईरहने हुदा ,६ महिना १ वर्ष जती चुपचाप बस्ने गर्छ फेरी हमासले ईजरायलीलाई जिस्क्याई रहने हुनाले युद्ध भईरहन्छ कृषिको लागि खुल्ला आकाश मुनि काम गर्नु पर्ने हुदा जोखिमपूर्ण हुने गर्छ गाजा पट्टीका हमास वा लेबनानको हुजबिल्ला समूहहरुले रकेट बम प्रहार गर्दा ईजरायलतिर एरियामा साईंरन बच्छ त्यो १ मिनेट भित्र सुरक्षित बंकर भित्र पस्नु पर्ने हुन्छ बंकर खोज्दै कुददा कुददै घरहरु टाढा टाढा हुन्छ अक्टुबर-७ मा ३० जना कृषिमा काम गर्ने थाईल्यान्डीहरुको मृत्यु भएको छ अपहरण पनी धेरै भएकोले बरु ईजरायलमा नेपाली कामदारहरुको सुरक्षित कामको लागि नेपाल सरकारबाट समझौता गरि दिनु हुनको हार्दिकता साथ विनम्र अनुरोध गर्दछु ?
ईजरायलमा के के कामहरु सुरक्षित रहन सक्छौ :नर्सिंग कीयर गिभर प्राईभेट होम,नर्सिंग होम,सुपरमार्केट ,होटल,कण्ट्रकसनको काममा सुरक्षित रहन सक्ने भएको जानकारी गर्दछु |

———————————-
माया घले
उदयपुर
हाल:ईजरायलबाट