रौतामाईमा आगलागी हुदा २ बालबालिकाको जलेर मृत्यु

गाइघाट २७ फागुन । उदयपुरको रौतामाई गाउँपालिका ८ पाबुपाखा टोलमा आगोमा जलेर दुइ बालकको मूत्यु भएको छ ा शुक्रबार साँझ घरमा कोही नभएको बेलामा स्थानिय राम बहादुर बुर्जा मगरको घरमा बिद्युत सर्ट भैइ आगलागी हुदा उनको ६ बर्षीय छोरा जस्मीन र २ बर्षीय दलन मगरको मृत्यु भएको प्रहरीले जनाएको छ ।
घर भित्रै खेलेर बसेको बेला एक्कासी आग लागी हुदा उनिहरुको जलेर मृत्यु भएको स्थानिय शिक्षक बमेन्द्र बुर्जा मगरले बताए । माटो र ढुङ्गाले बनेको दुई तले घरको सबै सामाग्रीहरु समेत जलेर नष्ट हुदा झण्डै १० लाख मुल्य बराबरको क्षती भएको प्रहरीले जनाएको छ ।