कान्छो खवर । शुक्रबार, कार्तिक ३०, २०८१
गाईघाट ३० कार्तिक ।
रौतामाई गाउपालिकाको गोगुन खोला भन्ने ठाउँमा बिहिवार राति भएको ट्याक्टर दुर्घटनामा एक जनाको मृत्यु भएको छ ।दुर्घटनामा अन्य दुई जना घाइते भएका छ्न ।
लिम्चुङबुङ देखि भुटारको डहर तर्फ आउदै गरेको प्रदेश नम्बर ०३-००१-त ८१९० नम्बरको ट्याक्टर आफै अनियंत्रित भै राति ९ बजे दुर्घटना हुँदा रौता गाप १ डहरका ४० बर्षिय चक्रबहादुर तामाङको घटनास्थल मै मृत्यु भएको ट्राफिक प्रहरी हवलदार शम्भु थापाले बताए । दुर्घटनामा परि सोही ठाउका १८ बर्षिया मनिषा तामाङ र बर्ष २३ का सुरेश तामाङ घाइते भएका छ्न ।घाइते उनिहरुलाई उपचारको जिल्ला अस्पताल उदयपुरमा ल्याइएको प्रहरीले जनाएको छ ।
बिहिवार राति डहर बजारमा लाग्ने एक राते मेला भर्न ट्याक्टर चढेर उनिहरु आउदै गरेको स्थानिय चक्र कार्कीले बताए । रातिको समयमा खराब बाटोको कारण ट्याक्टर दुर्घटना भएको उनले बताए ।
दुर्घटना पछी चालक अमृत तामाङ फरार रहेकोेले उनको खोजी भैरहेको प्रहरीले जनाएको छ ।मृतक तामाङको शब पोस्टमार्टमको लागि गाईघाट ल्याउदै गरेको प्रहरीले जनाएको छ ।
यहाँ कमेन्ट गर्नुहोस्