कान्छो खवर । सोमबार, साउन २१, २०८१
गाईघाट २१ साउन ।
प्रहरीले लागूऔषध सहित दुई युबालाई पक्राउ गरेको छ। कदमाहा- गाईघाट सडक खण्डको लालपत्तास्थित प्रहरी चौकि अगाडिको चेकपोस्टबाट आइतबार साझ उनिहरु पक्राउ परेका हुन् ।
बा ७३ प ५२१९ नम्बरको मोटरसाइकलबाट आउदै गरेका त्रियुगा नगरपालिका ४ बगाहका बर्ष ३१ का बिबेक थापा र सोही ठाउका बर्ष ३२ का किरण अधिकारीलाई ७५ एम्पुल लागूऔषध सहित पक्राउ गरिएको प्रहरी नायब उपरीक्षक राजन चापागाईंले बताए ।
विशेष जानकारीको आधारमा जिल्ला बाट खटिएको प्रहरीटोलिले उनिहरुलाई पक्राउ गरेको उनले बताए ।मोटरसाइकलको इयर फिल्टर भित्र लुकाएर ल्याउदै गरेको अबस्थामा लागूऔषध बरामद भएको हो ।
फेनारगन २५, बुप्रेनोर्फिन २५ र डाईजेपाम २५ गरि ७५ एम्पुल लागूऔषध बरामद भएकोमा उनिहरुलाई अदालतबाट म्याद थप गरि अनुसन्धान सुरु गरिएको प्रहरीले जनाएको छ ।
यहाँ कमेन्ट गर्नुहोस्