कान्छो खवर । बुधबार, चैत्र १९, २०८१
गाईघाट २० चैत ।
प्रहरीले ठुलो परिणाममा लागूऔषध सहित ७ जना कारोबारीलाई पक्राउ गरेको छ । ईलाका प्रहरी कार्यालय कटारीले मंगलबार दिउसो कटारीको कान्छी बजारबाट १० हजार ४६३ ट्याब्लेट प्रतिबन्धित लागूऔषध सहित कारोबारीहरुलाई पक्राउ गरेको हो ।
उदयपुरमा यति धेरै परिणाममा लागूऔषध सहित कारोवारि पक्राउ परेको यो पहिलो पटक हो । लागूऔषधको कारोबार भैरहेको विशेष सूचनाको आधारमा प्रहरी निरीक्षक भीमलाल ओलीको नेतृत्वमा खटिएको प्रहरी टोलीले कटारी नपा ७ का बर्ष २९ का हरीबहादुर तामाङ ,वडा ८ का बर्ष १९ का भक्तबहादुर तामाङ , सोही ठाउका बर्ष २५ का सोमकृष्ण राई ,वडा ४ का २० बर्षीया आरति राउत , बर्ष २३ का सरदकुमार सुनुवार , बर्ष १९ का बिक्रम साश्कार र २३ बर्षिय अनमोल मगरलाई पक्राउ गरेको जिल्ला प्रहरी कार्यालय उदयपुरका प्रहरी उपरीक्षक हरिहरनाथ योगीले बताए ।
पक्राउ परेकाहरुको साथबाट लागूऔषध सहित नगद २ लाख ४७ हजार ७२० रुपैया , २ वटा मोटरसाइकल , ६ वटा मोबाइल , १०० ग्राम गाजा , बरामद गरिएको उनले बताए ।
लागूऔषध ट्रुपेन ४ हजार ४ सय ३१ ट्याब्लेट , स्पास्पेन ५ हजार ९१२ ट्याब्लेट र १२० ट्याब्लेट ट्यापेन्टा रहेकोे प्रहरीले जनाएको छ ।
कटारी नगर र पहाडी जिल्लालाई लक्ष्यित गरि लागूऔषधको कारोबार हुन लागेको प्रहरीले जनाएको छ । पक्राउ परेकाहरु लागूऔषधको सेबनकर्ता र कारोबारी रहेको प्रहरीले जनाएको छ ।पक्राउ परेकाहरु विरुद्ध अनुसन्धान सुरु गरेको एसपि योगीले बताए ।
यहाँ कमेन्ट गर्नुहोस्