कान्छो खवर । आइतबार, फाल्गुण ०४, २०८१
गाईघाट ४ फागुन ।
उदयपुरको कटारीस्थित मर्जेतपुरमा भएको मोटरसाइकल दुर्घटनामा चालकको मृत्यु भएको छ ।मोटरसाइकल पछाडि बस्ने युवक गम्भीर रूपमा घाइते भएका छन् ।
मिर्चैया देखि कटारी तर्फ आउदै गरेको प्रदेश -२-०१-००३४ प १३०४ नम्बरको मोटरसाइकल आइतबार बिहान कटारी नगरपालिका ४ मर्जेतपुरमा दुर्घटना हुदा मोटरसाइकल चालक सोही ठाउका २३ बर्षिय रबिन तामाङको घटनास्थलमै मृत्यु भएको ट्राफिक प्रहरी भुबन राईले बताए ।
मोटरसाइकल पछाडि बस्ने सिराहाको धनगढीमाई नगरपालिका १४ दम्लीका २३ बर्षिय किरण तामाङ गम्भीर रूपमा घाइते भएकोमा उपचारको लागि धरानस्थित बिपि कोइला स्वास्थ बिज्ञान प्रतिष्ठान लगिएको उनले बताए ।
मोटरसाइकल दुर्घटना बारे केहि नखुलेको प्रहरीले जनाएको छ ।बिहान १ बजे तिर दुर्घटना भएको हुन सक्ने ट्राफिक प्रहरीले अनुमान गरेको छ ।दुर्घटनाको बारेमा अनुसन्धान सुरु गरिएको ईलाका प्रहरी कार्यालय कटारीले जनाएको छ ।
यहाँ कमेन्ट गर्नुहोस्