कान्छो खवर । सोमबार, माघ २८, २०८१
गाईघाट २८ माघ ।
क्षमता भन्दा बढी तौल बोकेर राजमार्गमा गुडिरहेको १ सय ५० बढी टिफर कार्बाहीमा परेका छ्न ।
कसमस , सौर्य र मारुती सिमेन्ट उद्योगको चुनढुङ्गा बोकेर आईरहेको ती टिफरहरुलाई सिरहाको मिर्चैया स्थित कटारी चोकमा रोकेर ट्राफिक प्रहरीले कार्बाही गरेको हो । सोमबार बिहान ट्राफिक चेकजाचको क्रममा ती टिफरहरुले क्षमता भन्दा बढी चुनढुङ्गा बोकेको पाइएकोले कार्बाही गरिएको ट्राफिक प्रहरी पोस्ट लहानले जनाएको छ ।
उदयपुरको कटारी , उदयपुरगढी र सिन्धुलीबाट चुनढुङ्गा बोकेर सिरहाको लहान र मिर्चैया स्थित सिमेन्ट उधोगको लागि ती टिफरहरु आउदै गरेको ट्राफिक प्रहरीले जनाएको छ ।
क्षमता भन्दा बढी तौल बोकेर गुडिरहेको टिफरको कारण मिर्चैया – कटारी सडक खण्ड जिर्ण बनेको छ ।टिफर चल्दा सडक आसपासको गाउबस्तीलाई पदूषण बनाएको भन्दै बिगतमा समेत स्थानिय बासिन्दाहरुले आन्दोलन समेत गरेका थिए ।
यहाँ कमेन्ट गर्नुहोस्