कान्छो खवर । मंगलबार, माघ ०८, २०८१
गाईघाट ९ माघ ।
गृहमन्त्री रमेश लेखकले सप्तकोसी नियन्त्रणकोलागि गुरुयोजना बनाएर काम गर्न लागेको बताएका छ्न ।दीर्घकालीन रुपमै कोशीको पश्चिमी भेगमा भैरहेको कटान नियन्त्रणको लागि सरकारले तत्काल गुरुयोजना बनाउने तयारी गरिरहेको उनले बताए ।
सप्तकोसी नदि कटान निरीक्षणको लागि मंगलबार आइपुगेका मन्त्री लेखकले कोसी कटान क्षेत्रमा आयोजित कार्यक्रममा बोल्दै यो बर्ष कोसी कटान रोकथाममा जति खर्च गर्न सकिन्छ , त्यति नै बजेटको ब्यबस्था गरेर काम सुरु गरिने बताए ।
उनले कोशी नदि नियन्त्रणको लागि लाग्ने खर्च ब्यबस्था गर्न मन्त्रालयमा आबस्यक छलफल गरेर अर्थ मन्त्रालयसंघ तत्काल बजेट माग गरिने बताए । नेपाली काङ्ग्रेसका केन्द्रिय सदस्य डा नारायण खड्काले कोशी कटानले पिरोलिएका जनताको कुनै पनि बेला उठिबास लाग्ने खतरा रहेकोेले सरकारले दीर्घकालीन रूपमा कोशीको समस्या समाधान गर्नुपर्ने बताए ।
उनले आफुले लामो समय देखि कोशी कटानको समस्या उठाउदै आएको र गत बर्ष कोशीको बाढीले तिब्र रूपमा कटान गरिरहेको बेला तत्काल नियन्त्रणको लागि झन्डै ३ करोड रकम खर्च गरेको बताए ।
बेलका नगरपालिकाका मेयर अशोक कार्कीले कोशी कटानले बर्सेनि पुर्याउदै आएको क्षेतिको बारेमा मन्त्री लेखकलाई अबगत गराउदै कोशी पीडितको तर्फबाट माग पत्र पेश गरेका छ्न । मन्त्री लेखकले सो अबसरमा कोशी कटानको स्थलगत निरीक्षण गरेका थिए ।
मन्त्री लेखकले आज दिउँसो पार्टी कार्यालय गाईघाटमा पार्टी कार्यकर्ताहरु सग अन्तर कृया गरेका छ्न ।उनले मुलुकमा दिगो शान्ति र स्थिर सरकारको लागि बर्तमान गठबंधन सरकारको निर्माण भएको बताए । तीन महिना ,छ महिनामा सरकार बन्दै ढल्ने गलत परम्परालाई अन्त गर्न कै लागि बर्तमान गठबंधन सरकार गठन गर्नु परेको उनले बताए ।
यहाँ कमेन्ट गर्नुहोस्