कान्छो खवर । सोमबार, पुष १५, २०८१
गाईघाट १५ पौष ।
खोटाङमा बालबिबाह गरेको अभियोगमा बेहुला सहित दुई जना पक्राउ परेका छ्न । आफन्तकहाँ हिडेकी १३ बर्षिया बालिकालाई बीच बाटै बाट ललाई फकाई युबकको घरमा लगेर बिबाह गराइदिएको आरोपमा दिक्त्तेल रुपाकोट मझुवागढि नगरपालिका १२ जाल्पाकि कमला राई र बेहुला २८ बर्षिय रमेश राईलाई पक्राउ गरिएको प्रहरीले जनाएको छ ।
कक्षा ८ मा अध्यनरत ती बालिकालाई पौष ८ गते रमेशको घरमा लगेर पौष ९ गते किरात परम्परा अनुसार बिबाह गराईएको थियो । कमला बालिकाको आफन्त भएको प्रहरीले जनाएको छ । बालिका आफन्तको घर जादै गरेको बेला उनले ललाई फकाई बेहुलाको घरमा लगेकी थिइन् ।
बालबिबाह बारे प्रहरीमा सूचना प्राप्त हुन साथ पौष १२ मा रमेशलाई र पौष १३ गते कमलालाई पक्राउ गरिएको प्रहरी निरीक्षक मोहन पोख्रेलले बताए ।बालिकालाई बेहुलाको घरबाट उद्घार गरि जिल्ला अस्पताल दिक्केतमा स्वास्थ परिक्षण गरेर आफन्तलाई जिम्मा लगाइएको छ ।
पक्राउ परेका दुबै जनालाई बालबिबाह सम्बन्धि कसुरमा मुद्दा चलाइएको प्रहरी निरीक्षक पोख्रेलले बताए ।
यहाँ कमेन्ट गर्नुहोस्