कान्छो खवर । सोमबार, मंसिर २४, २०८१
गाईघाट २४ मंसिर ।
उदयपुरको लिम्चुङबुङमा सोमबार जिप दुर्घटना हुदा चालकको मृत्यु भएको छ । अन्य ४ जना घाइते भएका छ्न ।
गाईघाट देखि बिहान ८ बजे लिम्चुङबुङको थापाङ तर्फ जादै गरेको बा १ च ३२६७ नम्बरको ल्याण्डरोभर गाडी छाताङ र बराह जाने बाटोको तीन चौकेको ओरालोमा ब्रेक फेल भएर दिउसो १२ बजे दुर्घटना हुदा गाडीका चालक मुर्कुचि सुकौराका २७ बर्षिय युबराज तामाङको घटनास्थल मै मृत्यु भएको प्रहरीले जनाएको छ ।
गाडीमा सवार ७ जना मध्य ४ जना गम्भीर रुपमा घाइते भएकोमा उनिहरुलाई स्थानिय एलबि अस्पतालमा उपचार गरि थप उपचारको लागि गाईघाट ल्याउने तयारी भैरहेको प्रहरीले जनाएको छ ।
घाइते हुने हरुमा स्थानिय सुस्मिता खत्री बर्ष १९ ,बालजित राई बर्ष ४७ ,मिलछी राई बर्ष ४१ र चरीमाया राई बर्ष ६२ रहेको प्रहरीले जनाएको छ।
घटना लगतै प्रहरी चौकी लिम्चुङबुङबाट गएको प्रहरी असई सन्तराम चौधरीको नेतृत्वमा गएको टोलिले घाइतेहरुको उद्घार गरेको थियो । ओरालोमा गाडीमा ब्रेक नलाग्दा सह चालकले ओट लगाउन खोज्दा गाडी आफै अनियंत्रित भै सडक देखि झन्डै ७ सय मिटर तल खसेको प्रहरीले जनाएको छ । घाइतेहरुलाई प्रहरीले गाडी र खोल्सिबाट निकालेर अस्पतालमा उपचारकोलागि ल्याएको एसपि हरिहरनाथ योगीले बताए ।
यहाँ कमेन्ट गर्नुहोस्