कान्छो खवर । सोमबार, कार्तिक १९, २०८१
गाईघाट १९ कार्तिक ।
नुहाउने क्रममा डुबेर दुइ बालिकाको सोमबार दिउसो मृत्यु भएको छ भने एक बालिका बेपत्ता भएका छ्न ।सप्तरीको कंचनपुर नगरपालिका ४ स्थित त्रियुगा नदिमा नुहाउने क्रममा स्थानिय श्रबन कुमार महतोकी नौ बर्षिया छोरी प्रतिभा र सुरेश सदाकी आठ बर्षिया छोरी जितनीको डुबेर मृत्यु भएको हो ।उनिहरु संगै नुहाई रहेकी आठ बर्षिया काजल खङ्ग बेपत्ता छिन ।
प्रहरीले बेपत्ता खङ्गको खोजी जारी राखेको छ ।उनिहरु तिनै जना दिउसो नुहाउन नदिमा गएका थिए । नदिको गहिरो ठाउँमा उनिहरु नुहाउदै गर्दा डुबेको हुन सक्ने सप्तरी प्रहरी कार्यालयका प्रहरी निरीक्षक उदयकुमार रायले बताए ।
नदिमा डुबेर शब तैरी रहेको बेला स्थानियले देखेर प्रहरी र आफन्तलाई खबर दिएका थिए । प्रहरीले शबको पोस्टमार्ट्म गर्न अस्पतालमा पठाएको जनाएको छ । प्रहरी निरीक्षक रायले घटनाको अनुसन्धान सुरु गरेको जनाएको छ ।
यहाँ कमेन्ट गर्नुहोस्