कान्छो खवर । शुक्रबार, आश्विन २५, २०८१
कटारी २५ असोज ।
सिद्धचरण राजमार्ग अन्तरगत कटारी – घुर्मी सडक खण्ड अबरुद्ध भएको छ ।शुक्रबार बिहान गएको सुख्खा पहिरोको कारण बिहान देखि राजमार्ग अबरुद्ध भएको हो ।
उक्त सडक खण्डको कटारी नगरपालिका १४ स्थित भलुवायिमा बिहान ५ बजे तिर ठुलो सुख्खा पहिरो जादा सडक पुर्ण रूपमा अबरुद्ध भएको कटारी – घुर्मी सडक योजना कार्यालयका प्रमुख डिई पशुपति ज्ञवालीले बताए ।
आज बिहान ठुलो पहिरो गएको रहेछ , उनले भने ।पहिरो हटाउन प्रहरी र सडकको प्राबिधिकको टोलिबाट काम भैरहेको छ ।हर्कपुर स्थित सडक डिभिजन कार्यालय सङ पनि समन्वय गरेर काम भैरहेको उनले बताए ।
सुख्खा पहिरो झरेर झन्डै २०० मिटर सडक पुरिएकोले तत्काल पहिलो हटाउन समस्या भएको उनले बताए । निरन्तरको बर्षा पछी मौसममा सुधार आए संगै सुख्खा पहिरो गरेको उनले बताए ।यो सडक खण्डमा यति ठुलो पहिरो कहिले नगएको उनले बताए ।
पहिरोले सडक अबरुद्ध भए पछी अहिले खोटाङ ,ओखलढुंगा र सोलुखुम्बु जाने तथा तराई भेग आउने सयौं सवारी साधनहरु बीच सडकमा रोकिएको कारण यात्रीहरु बीच बाटैमा अलपत्र परेको ईलाका प्रहरी कार्यालय कटारीले जनाएको छ ।
यहाँ कमेन्ट गर्नुहोस्