कान्छो खवर । शुक्रबार, आश्विन १८, २०८१
जलजले १८ असोज ।
उदयपुर सिमेन्ट उधोगको किल बोकेर भारतबाट आउदै गरेको ट्रेलर शुक्रबार बिहान दुर्घटनामा परेको छ ।
भारतको कलकत्ताबाट २ वटा सेल “किल ” बोकेर आउदै गरेको cgo7 aa9207 नम्बरको ट्रेलर गाडी कदमाहा- गाईघाट सडक खण्डको चुरे जंगलको मन्दिर मुन्तिरको मोडमा दुर्घटना भएको ट्राफिक हवलदार शम्भु थापाले बताए ।
उनले ओरालो नजीकको घुम्तीमा गाडीको पाङ्ग्रा सडक छेउमा फसेर गाडी दुर्घटनामा परेको बताए । गाडीमा लोड गरिएको सामान सडकमा झरेर भाचिएको तर कुनै मानवीय क्षति नभएको उनले बताए ।
भारतबाट आएको उक्त ट्रेलर प्रहरीले दुई दिन देखि सडक सागुरो भएको कारण देखाउदै रोकेर राखेको थियोे । सामान बोकेर आएको ट्रेलर उक्त सडक खण्डमा चल्न समस्या हुने भन्दै प्रहरीले रोकेर राखेको सिमेन्ट कारखानाका अधिकृत प्रथम लाल चौधरीले बताए ।
दुई वटा ट्रेलरमा ३ थान किल बुधबार नै आएको थियोे , एउटा ट्रेलरले बोकेर ल्याए १ थान किल बिहिवार नै सिमेन्ट कारखानामा झारिएको चौधरीले बताए । सडक सागुरो र उकालो भएकोले उक्त गाडी चल्न कठिन हुने भन्दै प्रहरीले रोकेर राखेको तर शुक्रबार भने गाडी छोडिदिएको उनले भने ।
झन्डै ६ करोड मुल्यको उक्त किल टेन्डर मार्फत काठमाडौ स्थित टेक्निकल सोलुसन प्रालिले उद्योगकोलागि भारतबाट खरिद गरि ल्याएको चौधरीले बताए ।
यहाँ कमेन्ट गर्नुहोस्