कान्छो खवर । आइतबार, आश्विन १३, २०८१
हर्कपुर स्थित सुनकोशी नदिको पुलमाथि बाढी बगेर माटो सहितको लेदो आएको सफाइ गरिदै
गाईघाट १३ असोज ।
सुनकोशीमा आएको बाढी हेरिरहेका हर्कपुरका बासिन्दाहरु बाढीको सतह बढेर पुल माथि आउन थाले पछी बाढीले पुल बगाएर लैजाने र अर्को बिपत्ति निम्तिन सक्ने अनुमान गरिरहेका थिए ।
उनिहरुले कोशीमा यती धेरै बाढी आएको कहिले पनि देखेका थिएनन् ।सनिवार अविरल बर्षा संगै सुनकोशीमा भीषण बाढी आएको र पानी पुल माथि बाटै बग्न थाले पछि उनिहरु पुल बाढीले कुनै पनि बेला बगाउन सक्ने अनुमान गर्दै डराएर बसेका थिए , तर पानी पर्न कम हुदै गएपछि पानीको सतह ह्वात्तै घटेर पुल मुनी पुगे पछि भने उनिहरुको चिन्ता र डर बिस्तारै हराउँदै गएको थियोे ।
कोशीको बाढी हेरिरहेका सडक डिभिजन कार्यालय हर्कपुरका लेखा अधिकृत पसुपति कट्टेलले नदिमा आएको बाढीले कुनै पनि बेला पुललाई बगाएर लान सक्ने अबस्था हुदाहुदै पनि पुल बग्नबाट बचेको बताए ।
हामि सबैले अब पुल बग्ने भयो भनेर अनुमान गरिरहेका थियौ , बाढी यति धेरै थियोे कि पानी पुल माथि बाट बग्न थाली सकेको थियोे । पानीको बहाब पनि निकै उच्च रहेको थियोे । उनले भने तर भगवानको कृपाले गर्दा पानी पर्न कमि हुदै गएपछि हामीले सन्तोषको स्वास फेर्यौ अब त पुल बगाउदै भनेर ।
सबैले लख काटिसकेको थियोे , अब पुल कुनै पनि हालतमा बच्न नसक्ने भनेर ।तर पानी रोकिएर कोशीमा पानीको सतह घट्न थाले पछि भने सबै खुसी भएको उनले बताए ।
कोशीमा यति धेरै बाढी कहिल्यै पनि नआएको स्थानिय समिर चौलागाईंले बताए । हामी जन्मे हुर्केको यही ठाउँमा सुनकोशीमा यति धेरै बाढी कहिल्यै पनि देखेको थिएनौं ।उनले भने यो पटक कहिल्यै नदेखेको बाढी देख्नु पर्यो ।
पुलमाथि देखि पानी बग्न थाले पछि पुल जोगिनेमा सबैले आस मारिसकेका थिए ।तर दैबको लीला पुल बग्न पाएन । अझै केहि घन्टा मात्र पानी परेको भए पुल बग्ने निश्चित जस्तै भएको उनलेे बताए ।
सगरमाथा राजमार्ग अन्तरगत ओखलढुंगा जोड्ने हर्कपुर स्थित सुनकोशी पुल माथि बाट उच्च गतिमा बाढी बग्न थाले पछी सनिवार पुल बग्न सक्ने त्रास हर्कपुरमा फैलिएको थियोे । सुनकोशीको बाढीले उदयपुर र खोटाङ जोड्ने फोक्सिङटारको पुल समेत सनिवार बगाएको छ ।
यहाँ कमेन्ट गर्नुहोस्