कान्छो खवर । शुक्रबार, साउन १८, २०८१
गाईघाट १८ साउन ।
खोटाङस्थित मेवा खोलामा शुक्रबार दिउँसो एक वृद्ध मृत फेला परेका छन् ।टाउको क्षतबिक्षत अबस्थामा वृद्धको शब फेला परेको प्रहरीले जनाएको छ।
दिक्तेल रुपाकोट मझुवागढि नगरपालिका ६ का ७५ बर्षिय हर्कमणी राईको शब मझुवागढि ६ नेर्पा र वडा नम्बर ७ दोर्पा चिउरीडाडाको बीचमा पर्ने मेवा खोलाको नादुम दोभान किनारमा फेला परेको प्रहरी निरीक्षक बेनु कार्कीले बताए ।
साउन १६ गते बुधबार चिप्ले किरा खोज्न राई घर देखि हिडेका थिए ।उनि दुई दिन सम्म नफर्किए पछी परिवार र आफन्तहरुले खोजी गरेकोमा उनको शब नदि किनारमा भेटिएको प्रहरीले जनाएको छ। टाउको पुरै क्षतबिक्षत भएको छ, नदिले बगाएको वा अरु केहि भएको हो ।कार्कीले भने ।उनले शबको पोस्टमार्टम पछी मात्र बिस्तृत जानकारी आउने बताए ।
शब अहिले जिल्ला अस्पताल दिक्तेलमा पोस्टमार्टमकोलागि राखिएको छ।
यहाँ कमेन्ट गर्नुहोस्