कान्छो खवर । आइतबार, साउन १३, २०८१
गाईघाट १३ साउन ।
नेपाली काङ्ग्रेस उदयपुर २ नम्बर क्षेत्रका सभापति कृष्ण थापा एमालेमा प्रवेश गरेका छ्न । आइतबार पार्टी परित्याग गर्दै उनि एमालेमा फर्किएका हुन् ।
एमाले पार्टीकार्यालय काठमाडौमा आयोजित कार्यक्रममा महासचिव शंकर पोख्रेलको उपस्थितिमा उनि एमाले प्रवेश गरेका हुन् ।उनलाई महासचिव पोख्रेलले खादा र टीका लगाएर स्वागत गरेका थिए । थापाले ७ बर्ष अघि एमाले छोडेर काङ्ग्रेस प्रवेश गरेका थिए ।जिल्लामा गुटबन्दीको शिकार भए पछि उनले एमाले परित्याग गरेका थिए ।
एमाले प्रवेश गर्दै थापाले आफ्नो पुरानो पार्टीमा फर्कि आउन पाएकोमा खुशी लागेको बताए ।म बिना शर्त पार्टीमा फर्किए आएको छु , अब पार्टीले जस्तोसुकै जिम्मेवारी दिए पनि इमानदारी पुर्बक आफ्नो जिम्मेवारी पुरा गर्ने उनले बताए ।
एमाले प्रवेश गरेका थापा स्थानिय तहको निर्वाचन अघि देखि नै काङ्ग्रेस जिल्ला नेतृत्व सङ रुष्ट बनेका थिए ।उनि कटारी नगरपालिकाको मेयर पदमा पार्टीबाट उठ्न चाहान्थे तर पार्टीले उनलाई टिकट नदिए पछी नेतृत्व सङ रुष्ट बनेको उनको सहकर्मीहरुले बताउदै आएका थिए ।
थापालाई एमाले फर्काउन जिल्ला तहका एमाले नेताहरुले लामो समय देखि प्रयास गरेका थिए ।एमाले जिल्ला अध्यक्ष भागबत राउतले थापा एमाले फर्किएको बताए ।
यहाँ कमेन्ट गर्नुहोस्